ppk, 40 - 15 марта 2009 21:13

[B][SIZE=+1][COLOR=darkblue]Birimiz...

Qəribədir,elə deyilimi? Bu dünyada hər bir predmet, hadisə ziddi ilə bilinir. Gecə -gündüz, isti – soyuq, saglamlıq – xəstəlik. Qəribıliklə yanaşı, şübhəsiz bu ziddiyyətlərin hikmətli tərəfləri də vardır. Məhz ziddiyyətlərin köməyi ilə bizi əhatə edən saysız-hesabsız gözəllikləri kəşf edir, dəyərlərini anlayır,onları yaxşı, pis qiymətləndirə bilirik. Zənnimcə bu ziddiyyətlik dalğalarına
bəşər övladını, insanları da daxil etmək mümkündür.


Belə ki,örtmüş birimizin gözünü var-dövlət sevdası, birimizin gözünü isə həqiqət sevdası...


Birimizin qonşusundan xəbəri belə yoxdur, birimiz isə tox qala bilmir onun aclığında.


Birimiz "verən əl" olmasını üstün tutur, birimiz "alan əl".


Birimiz "olan" la kifayətlənir, birimiz "dolan" la istəklənir.


Birimiz əməlləri ilə hesablaşır, birimiz isə bu səhər banka köçürdüyü depozitləri ilə.


Birimiz dostlarının sadiqsizliyindən gileylənir, birimiz isə sadiq ola bilmədiyindən.


Birimiz səbirsizliklə nahar vaxtını gözləyir, birimiz isə haqqın qulluğunu.


Birimizin dilindən "mən" kəlməsi düşmür, brimiz isə "bizə" yönəlir, bütün ürəyi ilə...


Birimiz vaxtı "ötürməklə" məşğuldur, birimiz isə dəridən-qabıqdan çıxır onu qazanmaq
üçün.


Birimiz dünyanın fani olduğunu bilir, birimiz isə bu faniliyi hiss edir.


Birimiz dünyaya qaçar, dünya da ondan... Birimiz isə dünyadan qaçar, dünya da ona...


Birimiz həyatını nəfsinin istəkləri üzərində qurur, birimiz isə vicdanını rəhbər tutur.


Birimiz sevgini "cəmləmək"də axtararır, birimiz isə onu paylaşmaqda tapır.


Birimiz dünyanı, dünyaları qurtarır, birimiz sabahlarını...


Birimiz günahlarını sayır, birimiz tamahlarını...


Birimiz tez-tez qarşılaşdığı qaranlıq tunellerdən kədərlənir, birimiz isə bu tunellərdən hərəkət edən qatarları, hətta qatarların arxasınca görünən işıqları da sezir.


Birimiz gülün tikanlarından şikayət edir, birimiz isə şükr edir, tikanların gülü olduğü üçün.


Birimiz...


Birimiz bu sətirləri oxuyur səssizcə, birimiz isə neçə evlər yıxır "gizlicə"...


Birimiz düşünür və ya düşündürür. Birimiz isə.....ardini ozünüz düşünün..
[/COLOR][/SIZE][/B]

• 
• 
•