COUTURIER, 40 - 18 февраля 2009 14:47

[FONT=Arial][SIZE=+1]Дүниенің рахаты неде? Таңертең артыңнан біреу қуып келе жатқандай жұмысқа зытып келесің. Газетіңді ала салып, кабинетіңді ашасың. Ақпараттық басылымың дайын болмаса, оны принтерден басып шығарасың. Ол шығып жатқанда, газеттерден министрге оқитын мақалаларды сызып белгілейсің. Сөйтіп үлгере алмай әлек болып жатқанда, ақпаратқа аш басқа департаменттің қызметкерлері сықсиып келіп тұрады. Ішіңнен: «тіфу мыналарды-ай, а», деп қойып, флешкаларына енгізіп бересің ақпараттарын.
Бітіргеннен кейін сырт киіміңді іліп алып, басшылыққа тиісті құжаттарын таратасың. Лифті құрығыр да келе қоймайды (бәрі жұмысқа асығып бара жатқан уақыт қой, шпротқа ұқсап толып алған). Зығырданың қайнап, қабағыңнан қар борап, біреуді ұрып жығатындай сыңай тартып, «удар» жасап қолыңді сермеп-сермеп жібіресің де, кімдікі екені белгісіз әйтеуір біреудің шешесін бір боқтап аласың; орысша немесе қазақша, кейде ағылшынша да болып қалатын күндер де болады (өкінішке орай қытайша білмеймін, бірақ үйренемін деп үміттенемін). Сонымен, нервіні тоздырып лифті де келеді. Екінші қабатты басасың да, әліптің аяғын күте бересің. Әліптің аяғына жеткенде лифтінің есігі ашылады да, ұшып отырып жаңағы газеттер мен ақпаратыңды тарата жөнелесің. Министрден бастап ары жүгіріп,бері жүгіріп бір уақытта бітіресің де, кабинетіңе таясың. Кіріп келіп «ух» дейсің де, әлі «ух» емес екенін түсіне қойып, ақпаратты енді интернет арқылы таратасың. «Ух» дегеннен кейін сағатқа қарасаң «Алатауға» уақыт аз қалғанын байқайсың. Мінеки, соншама «тренировкаға» деген ниетің жоқ болады. Осылай «бармаймын» деп отырып, есіңе Мирко Филипович, Федор Емельянников деген сияқты жігіттерді есіңе түсіресің де, дорбаңды ала қойып, қайдасың «Алатаулатып» тартып кетесің.
«Алатауда» сырт киіміңді гардеробқа тапсырып, гардеробшыға рахметіңді айтып, асыға-үсіге тренажер залына келе жатсаң жолдан біздің департаменттің қызметкерлері кезігеді. Қол беріп амандасып жатсаң, бір «қылжақбас», бірдемені тындырып жүргендей, немесе мен ерігіп жүргендей, - «қайда жүрсің»,- дейді ғой. Жын ұстау қайда... Жын да қалмай қалды ғой. Ағылшынша NUMB дейтін күйге түстім. Бұрылдым да кеттім. Ішімде өз дауысым: «Ілллә тігееем», - деп созыңқырап айтқанын естідім. Әлбетте – «De lingua slulta incommoda multa!». Жарайды қойшы ондай «қылжақбастарды». Киімімді ауыстырып жатып, жүгіруге ниетім жоқ екенін түсіндім. Жүгіргім келмейді...
Сақадай сай киініп, стадионда жүгіре бастадым. Ақыры жүгірттім ғой өзімді, төрт круг болса да, денсаулығың ғой өзіңнің деп. Және де жаңағы жігіттер мен Тайсонның жүгіретіні есіме түсіп кетті ғой деймін. Баппен төрт круг жүгіріп шықтым. Иіліп, созылып жаттығу жасадым. Тренажеркаға кіріп гантельмен жаттығу жасап денемді тағы да қыздырдым. Грифқа бес бестен екі блин салып бастадым подходты. Одан кейін аяқты, кейінірек білек пен бицепсті шынықтырдым. Үшінші подходтан кейін лау кик жасап, тіземен теуіп едім, қанып қызып шыға келді. Секірдім. Тағы тептім. Күрескім келіп кетті. Рахаттың басы міне осы болды. Одан кейін алпысты бастым сегіз рет – жаман емес. Бұл да рахат қой...
Мінеки, тер-тер денем босап, аздап шаршады. Душқа кіріп ыстық суға жуындым. Сабын мен шампунь өз істерін жасады. Енді не? Несі несі ей!
Енді КОНТРАСТНЫЙ ДУЖЖ!!! Ыстық судан суық судың астына кіріп кеттім. Демің лезде өзгереді. «Үһһ», «Һүү» сияқты дыбыстар тұп-тура өкпеңнен шығатн сияқты. Бес-алты рет ыстық судан суық суға кіріп едім, денем сергіп, энергияға толып шыға келді. Алдыңнан шыға келген аңды жеп қоятын қасқырға не сол қасқырды таптап мыжғылайтын айғырға ұқсап. Рахат деген міне осы жолдастар! Тауарыштар және комрэйдтар!
Енді міне жұмысқа кетіп бара жатырмын Астананың аязымен дем алып. Мойынорағышымды ұмытып кетіппін, тамағым қатып барады. Тамағыма – отставить замерзать, держаться до подхода основных сил деп, уқалап қойып кетіп барамын...
[/SIZE][/FONT]

• 
• 
•